Аннотации:
Мемлекеттік-жеке меншік әріптестік (МЖӘ) саласындағы, оның ішінде аграрлық
сектордағы әлемдік тәжірибе бұл құралдың әлеуметтік-экономикалық сипаттағы көптеген
мәселелерді шешуде өзінің артықшылығын дәлелдегенін куәландырады. Қазақстанда МЖӘ
дамуын кешенді талдау негізінде оның қазіргі жай-күйіне баға берілген. Мемлекеттік-жеке
меншік әріптестік қағидаттарында аграрлық саланы қоса алғанда, инфрақұрылымдық жо-
баларды іске асыруға жеке инвестицияларды тарту практикасының кеңеюі байқалады. МЖӘ
тетігі арқылы мемлекет пен бизнестің өзара іс-қимылының қазақстандық және шетелдік
тәжірибесі, сондай-ақ оның жобаларын іске асырудың қолданыстағы модельдері мен меха-
низмдері талданған. Ең алдымен жобалық менеджмент құралдарын қолданудың жеткіліксіз
деңгейіне байланысты оларды тиімді және уақтылы пайдалануды қамтамасыз етуде про-
блемалар анықталған. Оларды басқару жөніндегі ұлттық стандарт талаптары шеңберінде
жобалық сценарийлерді нақты құрылымдау арқылы осы мәселелерді шешу жолдары ұсы-
нылған. Мемлекеттік-жеке меншік әріптестік жобаларын жоспарлау мен қолдануға қатысты
республиканың нормативтік-құқықтық базасы зерделенген. Әлсіз жақтары анықталған және
оларды жетілдіру бойынша шаралар әзірленген. Табысты және нәтижелі іске асыруға ықпал
ететін негізгі факторлар анықталған. Мемлекеттік секторға кәсіпкерліктің жинақталған
басқару тәжірибесін, инновациялар мен ресурстарды тартуға мүмкіндік беретін бағыттар
ұсынылған. Жобалық тәсіл тұрғысынан МЖӘ іс-қимыл жасауды жоспарлау және іске асыру
бойынша ұсынымдар әзірленді.
